Италијанско-норвешката пејачка Алесандра ќе ја претставува Норвешка на претстојниот избор на песна за Евровизија во Ливерпул
Нејзината песна „Queen of Kings“ се најде на седмото место во обложувачниците на Евросонг, а на „Тик-ток“ стана хит и веќе има и предвидувања дека ќе ја однесе победата на Евровизија.
„Таа има само 20 години и успеа да го даде овој моќен настап! Навистина се радувам на нејзиниот настап на Евровизија. Ова сигурно ќе биде еден од најнезаборавните записи во Норвешка. Со среќа“, ѝ порачуваат фановите на младата пејачка.
Алесандра има италијанско и норвешко потекло, но поголемиот дел од животот го поминала во Италија. Откако завршила средното училиште, решила да живее во Норвешка.
