Српската пејачка и снашка на Лепа Брена, Александра Пријовиќ се најде во прилог на вечерни вести на една хрватска телевизија.
Пејачката Александра Пријовиќ, која за рекордно време распродаде три белградски арени, а потоа и три арени во Загреб, додека во тек е продажбата на билети за четврти концерт закажан во Загреб на барање на публиката, се најде во главните вести на на една хрватска телевизија.
Во прилогот за Прија, хрватската водителка коментираше дека „додека Тејлор Свифт може да се пофали со 7 номинации за наградите на МТВ, младата српска пејачка Александра Пријовиќ може да се пофали со три распродадени арени и четврта на пат. Таа ја надмина и свекрвата Лепа Брена, која одржа два концерта во Арена. Критичарите велат дека таа одлично си ја врши работата“.
Потоа се емитуваше и прилог од улиците на Загреб во кој водителката на улица пушта песна од Александра Пријовиќ, а интервјуираните коментираат. Една госпоѓа рече дека тоа е „Александра Пријовиќ и дека знае за неа поради нејзините концерти, но дека сите се прашуваат која е таа“, додека друга девојка која била интервјуирана рече:
“Александра Пријовиќ. Одам на концерт, успеав да резервирам карти за втората вечер”.
