На листата на Билборд за најпуштана музика оваа недела во конкретна земја, во случајов Хрватска, песната на Прија „Дам дам дам“ е најслушана во последните седум дена.
Музиката на Александра Пријовиќ се слуша и во Србија, и во Македонија, и во целиот регион, а во Хрватска нејзиниот хит е водечки.
На листата на Билборд за најпуштана песна оваа недела во таа земја, песната на Прија „Дам дам дам“ е прва за периодот во последните седум дена.
Второто место ѝ припадна повторно на Прија со песната „Девет животи“, а на трето е песната „Ризик“ на Џејла Рамовиќ и раперот Хени.
По нив следат Јала Брат и Буба Корели со песната „Падам“, додека на петтото место е единствениот Хрват Гршо со својот летен хит „Мама миа“.
Босанското дуо Јала и Буба со песната „Маракеш“ го зазеде шестото место, пишува Вечерњи.хр.
Српскиот рапер Драгомир Деспиќ, попознат по уметничкото име Десингерица и Лука Бијеловиќ Пљугица со песната „Џускавац“ се на седмото место, додека на осмото место се Биба Икс Секси со песната „Патрон“. И следното место е нивно со песната „Дале“, додека на десетто е Сајфер и песната „Карневал II“.
Pesme Aleksandre Prijović najslušanije u Hrvatskoj pic.twitter.com/2Rd6Y991EI
— Arsil (@arsagarson) October 13, 2023
Да потсетиме, победничката на оваа листа, Александра Пријовиќ неодамна ја распродаде четвртата Арена во Загреб, а тоа ретко кому му успева. Таа најави датум и за петти концерт, а дека за овој концерт се бараат билети најдобро говори фактот што во првиот час по најавата за петтиот концерт веќе се продадени 2.000 билети.
