Актерот Даниел Крег и официјално потпиша договор за главна улога во филмската адаптација на „Квир“ под режисерска палка на Лука Гвадањино, објави „Дедлајн“.
54-годишниот актер ќе го портретира срамежливиот и несигурен лик Вилијам Ли, додека го раскажува својот живот во Мексико Сити каде што го гони отпуштен службеник на американската морнарица, Јуџин Алертон.
Откако повеќе не е дел од серијалот за Бонд, ѕвездата неодамна проговори за улогата на култниот агент 007 и откри дека предложил смрт на својот лик по премиерата на „Казино ројал“ во 2006 година.
Овој актер светската слава ја стекна како шестиот актер на кој му е доверена главната улога во популарната серија филмови за британскиот шпион Џејмс Бонд.
И покрај јавниот скептицизам по објавата дека Крег ја презел улогата на Бонд од неговиот претходник Пирс Броснан „Казино Ројал“ од 2006 година доби позитивни критики од критичарите и заработи повеќе од кој било претходен филм од серијата.
Неговата изведба беше номинирана за неколку награди, меѓу кои и БАФТА за најдобар актер во главна улога.
