Џош Њуман беше познат по неговите смели видеа, вклучувајќи скокање со падобран од авион и тркање по планина. Едно видео со скејтбординг во 2020 година привлече повеќе од 106 милиони прегледи на „YouTube“. Американскиот Јутјубер и скејтбордер загина во авионска несреќа на Исланд, а покрај него загинаа уште три лица.
View this post on Instagram
Њуман, кој снимал видеа за скејтборд за речиси 1,2 милиони претплатници на YouTube, разгледувал и снимал реклама на Исланд кога авионот во кој бил исчезнал на 3 февруари. Властите пронашле четири тела во неделата во езерото Тингвалаватн, во близина на главниот град Рејкјавик.
View this post on Instagram
„Смртните останки на четири лица во езерото се пронајдени и лоцирани на длабочина од 37 метри или помалку“, се вели во соопштението на исландската полиција.
22-годишникот бил на Исланд за да снима комерцијални содржини заедно со белгискиот моден бренд „Suspicious Antwerp“, кој објавил соопштение на својата официјална веб-страница.
View this post on Instagram
„Џош ја претставува страната на човештвото што сите ние се стремиме да ја постигнеме. Начинот на кој тој не само што допре, туку влијаеше на животите беше неизмерен“, се вели во семејната објава на страницата на Њумен на Инстаграм.
View this post on Instagram
„Во неговата потрага по авантура, жед за креативност и страст за лично размислување, тој навистина влијаеше на сите оние што ги допре. Додека светот плаче, треба да знаеме дека тој замина правејќи го она што го сакаше затоа што штотуку ја виде поларната светлина на Исланд за прв пат: „Ова е најсреќниот ден во мојот живот“, продолжува објавата.
Властите соопштија дека мисијата за извлекување на телото морала да биде прекината во неделата поради опасните временски услови, но ќе продолжи откако ќе се подобрат условите.
