Пејачката Елена Ристеска повторно ги растажи своите следбеници со објава посветена на својот покоен татко, кој почина пред десет години.
По повод неговиот роденден, таа сподели неколку фотографии од семејниот албум, меѓу кои и ретка фотографија од свадбениот ден на своите родители.
На фотографијата, нејзините мајка и татко позираат како младенци, а објавата ја придружуваше со кратка, но емотивна порака.
„10-ти роденден си славиш на небото, а за нас, кои непрестајно те сакаме, ова ни е тажен ден на земјата“, напиша Ристеска.
View this post on Instagram
Пејачката и претходно во повеќе наврати јавно зборуваше за силната поврзаност што ја имала со својот татко, истакнувајќи дека тој бил нејзин најголем потпирач во животот и во кариерата. Токму затоа, секоја година на значајни семејни датуми му оддава почит со фотографии и спомени кои ги споделува со јавноста.
Во интервју за „Слободен печат“, Ристеска откри дека денес на животот гледа со многу повеќе смиреност и вера.
„Тоа е до Бога, тој е толку семоќен и дарежлив што верувам дека има најдобар план за секого од нас. Најважно е дека во секој момент е покрај мене и е мојата најголема заштита“, изјави таа.
Иако болката по загубата не исчезнува, Елена и понатаму го чува жив споменот за својот татко, потсетувајќи дека семејните фотографии и спомените имаат посебно место во нејзиниот живот.
