Секој пејач сонува за голем хит што ќе му ја одбележи кариерата, а во таа потрага не штеди ниту време ниту пари, па затоа пејачите често се подготвени да инвестираат вртоглави суми во песни и музички спотови.
Српската јавност постојано шпекулира за тоа која песна ја носи титулата најскапа на домашната музичка сцена.
Иако многумина би помислиле дека станува збор за народна песна, вистината е сосема поинаква.
Со години кружат гласини дека Ана Николиќ ја платила највисоката цена за една песна, пред повеќе од петнаесет години.
Станува збор за песната „Ромале, ромали“, за која наводно издвоила дури 30.000 евра. Судејќи според огромниот број прегледи и континуираната популарност, се чини дека воопшто не се покајала за инвестицијата.
Уште при првото слушање било јасно дека песната има потенцијал да стане безвременски хит, а не беше занемарлива ниту бројката што Ана му ја платила на авторот Кики Лесендриќ.
– Бев безобразен и го наплатив тој безобразлук. Требаше да направам цел албум, но тогаш се врати Мили. Бев лут и ја „лупнав“ цената – изјави Кики Лесендриќ за Блиц.
