Пејачката Зорана Миќановиќ (19) многу млада почнала да се занимава со музика, а иако на почетокот на кариерата се соочила со бројни оспорувања, денес со својот труд си купила три недвижности.
Зорана Миќановиќ отворено зборуваше за психичкото насилство што го трпела од врсниците додека за време на школувањето се натпреварувала во „Ѕвездите на Гранд“.
„Имав проблеми со децата. Не сакаа да се дружат со мене затоа што пеам народна музика и затоа што воопшто се занимавам со пеење. Ми велеа дека ќе бидам кафеанска пејачка. Никогаш немав поддршка од моите другари, но по некое време, особено по песната ‘Сиктер’, сите ми приоѓаат и бараат да се сликаат со мене и да се дружиме. Сега сфаќаат дека згрешиле“, изјави таа подоцна.
Зорана сега заработува огромни суми пари, а во една прилика откри колкав ѝ е најголемиот бакшиш.
„Јас пеам на ромски веселби и можам слободно да кажам дека кај Ромите е најголемиот бакшиш. Тие се многу дарежливи, понекогаш за една песна даваат и по 20.000 евра“, шокираше таа со ова признание.
Зорана, иако има само 19 години, е сопственичка на три недвижности, а неодамна во интервју за „Блиц“ изјави дека е свесна оти нејзините колеги ѝ љубоморат поради тоа.
„Има љубомора. Секогаш кога јавно ќе кажам дека пејачките треба да вложуваат во себе и својот живот, а не во крпчиња што ќе се искинат, гледам коментари во кои ме напаѓаат. Јас ќе ги трошам парите таму каде што сметам дека треба. Кога беше короната, сите тие пејачи се жалеа дека немаат заштеда. Зошто не купивте станови и не вложувавте во паметни работи?“, изјави таа.
