Македонската манекенка Елена Реи ги користи последните топли денови за одмор и уживање покрај море, само неколку дена откако соопшти дека по 17 години става крај на едно големо поглавје од својот живот.
Реи сподели серија фотографии од својот летен албум, на кои позира на плажа во бикини и ужива во сонцето и морето.
View this post on Instagram
Објавата доаѓа непосредно откако македонската убавица откри дека решила постепено да се повлече од модната индустрија. По 17 години работа како модел, од кои дури 15 ги поминала во странство, таа најави дека отсега ќе прифаќа само директни ангажмани.
„По 17 незаборавни години во модната индустрија, чувствувам дека дојде време да го затворам ова прекрасно поглавје и полека да започнам со пензионирањето. Отсега ќе бидам достапна само за директни ангажмани“, напиша Реи.
Осврнувајќи се на долгогодишната кариера, таа раскажа дека животот како манекенка ѝ донел можност постојано да патува, да запознава различни култури и луѓе и да стекне искуства што тешко би ги доживеала доколку не го избрала овој професионален пат.
Сепак, зад гламурозната страна на професијата имало и многу жртви.
„Нема да се преправам дека секогаш беше лесно. Пропуштив многу моменти, родендени, прослави и време поминато со луѓето што ги сакам. Но, за возврат, добив искуства, спомени, сила, независност и уште многу повеќе“, призна таа.
За време на годините поминати во странство, Реи стекнала пријателства кои прераснале во семејство, пронашла дом на неочекувани места и, како што вели, открила делови од себеси кои можеби никогаш немало да ги запознае доколку не била дел од модниот свет.
„Ова патување ме обликуваше во личноста што сум денес и, искрено, не би променила ниту една работа“, порача таа.
Иако најави повлекување од активната манекенска кариера, Реи нема целосно да ѝ каже збогум на модата, бидејќи ќе остане достапна за одредени директни ангажмани.
View this post on Instagram
