Познатиот српски актер Воислав Воја Брајовиќ ретко дава интервјуа, но неодамна во емисијата „Уна, дуе, тре“ реши да зборува за кариерата, улогите и се присети на некои настани од минатото.
Претставата „Возот“ што Воја ја игра со колегата Сергеј Трифуновиќ во театарот „Ѕвездара“, секогаш е однапред распродадена.
Актерот се присети дека во една прилика направил отстапка за својот голем пријател и колега, легендарниот Драган Николиќ со кој глумеше во „Отпишаните“. Имено, поради тешката болест со која Драган се бореше, Воја и Сергеј одлучиле во последните денови од неговиот живот да ја одиграат оваа претстава во неговиот дом.
„Некаде пред Нова година дојдовме кај него. Во тој стан, во една мала соба, можам да кажам дури и покрај неговата смртна постела, каде што беше на креветот, Милена до него, а таму беа Анита и Жарко Лаушевиќ. Сопругата на Жарко снимаше, но јас никогаш не ја погледнав таа снимка. Целата претстава ја одигравме на мал простор, тука беше Сергеј, но јас бев таму. Тоа е мала соба, но Гага не можеше да излезе, не отиде во дневната соба да седне, туку само лежеше. Игравме и игравме, а да не го измориме, се откажавме после еден час…Така лежи и го прашувам што мислиш? А, тој ми покажува: ‘Јас и Милена би можеле да го играме ова. Тоа беше неговиот коментар’“, изјави Воја Брајовиќ во емисијата „Уна, дуе, тре“.
Да потсетиме, доајенот на српското глумиште Драган Николиќ почина на 11 март 2016 година по долго боледување.
