Продукцијата „Авалон“ објави дека претстојниот концерт на Владо Јаневски, којшто требаше да се одржи на 27 декември, ќе биде презакажан за напролет поради здравствени проблеми на пејачот, но и поради одредени технички причини.
„Ве информираме дека поради вчерашна, новонастаната здравствена состојба на Владо Јаневски, после која нема 100 процентна сигурност дека ќе биде способен да го одржи закажаниот концерт на 27 декември во СЦ Јане Сандански, како и други одредени технички причини кои ги има овој проект во моментов, заедно со Владо донесовме одлука концертот да се одржи во период март – април 2025“, стои во соопштението на „Авалон“.
Се уште не се знае кој ќе биде точниот датум, а од „Авалон“ велат дека ќе ја соопштат таа информација после Нова година.
Досега купените влезници нема да важат за концертот кој ќе се одржи на пролет, а средствата од влезниците ќе ви бидат рефундирани од страна на сервисот од кој се купени влезниците.
