Пејачот Здравко Чолиќ минатиот викенд беше специјален гостин на свадбата на син на бизнисмен, која се одржа во еден елитен белградски ресторан.
Познато е дека легендарниот пејач ретко пее на приватни прослави, а според сознанијата на српските медиуми, младенците за Чола морале да издвојат дури 45.000 евра, за тој со своите хитови да го разубави најубавиот ден во нивниот живот.
Чолиќ пеел вкупно 45 минути, што значи дека за секоја минута од мини-концертот заработил по 1.000 евра. Секако, пејачот имал посебни услови за да настапи на оваа луксузна прослава.
View this post on Instagram
– Чола може да избере каде ќе настапи. Не се занимава со пеење на приватни забави, но овојпат направи исклучок. Имал одредени услови, кои младенците и нивните семејства ги исполнувале без збор, па се било договорено многу брзо. Меѓу другото, тој побарал бината да се подигне од подот за гостите да не му се приближуваат премногу додека пее, да нема нарачка на песни или фотографирање со гостите… За 45 минути побарал 45.000 евра и веднаш било прифатено бидејќи младенците ја обожаваат неговата музика. Првиот танц се одиграл со песната „Тебе те чувам за крај“. Тој ги испеа некои од своите најголеми хитови, а сите беа воодушевени кога ја изведе песната „Ти си ми во крвта“. Веднаш по настапот во придружба на обезбедувањето на ресторанот го напушти локалот – изјави извор од местото на настанот.
Покрај него, гостите на свадбата ги забавувале и фолк пејачите – Виолета Вики Миљковиќ и Радиша Трајковиќ Ѓани, кои атмосферата ја довеле до својот врв, а за тоа, покрај хонорарот, биле наградени и со одличен бакшиш, додека Чолиќ не прифаќал никаков бакшиш.
