Македонската пејачка Барбара Поповиќ е една од годинашните учеснички на регионалното музичко шоу „IDJ Show“.
Синоќа се претстави со импресивна изведба на македонската народна песна „Зајди, зајди“ и ги воодушеви членовите на стручното жири – раперот Реља Поповиќ, пејачката Наташа Беквалац и еден од најдобрите македонски композитори, Дарко Димитров.
Бројни позитивни коментари има и од самите гледачи на музичкото шоу.
„Моја Македонијо“, напиша Поповиќ под својата објава од својот настап.
