Македонската пејачка Тамара Тодевска реши да ги искористи последните летни денови за краток одмор покрај море, па заедно со своите деца Хана и Дарен отпатува во Сивири, Грција.
Но, нивното пристигнување имаше и посебна причина – да ги изненадат нејзината мајка Брана и сестра ѝ Тијана Дапчевиќ, кои веќе престојуваа таму.
Тамара сподели видео на Инстаграм во кое Хана и Дарен се движат по плажата во потрага по своите баба и тетка, додека таа го снима моментот на нивната неочекувана средба.
Особено интересна беше реакцијата на Тијана, која во прв момент не можеше да поверува дека сестра ѝ навистина се појавила на плажата.
„Ми рекоа дека Тамара е тука, викам каква Тамара, ама по тетоважата те познав“, ѝ рече Тијана, по што сестрите се прегрнаа.
Тамара потоа ја изненади и мајка си Брана со зборовите „Изненадување“, а семејството продолжи заедно да ужива покрај море.
