Легендарниот кошаркар и НБА ѕвезда Шекил О’Нил настапи заедно со српскиот рапер Давид Љубеновиќ попознат како Девито на музички фестивал во Хрватска.
Во Меѓумурје, Хрватска од 19 до 21 јули се одржа фестивалот „Форестленд“ на кој настапија повеќе од 60 изведувачи, меѓу кои и легендарниот кошаркар Шекил О’Нил.
Во саботата имаше настап диџеј Дизел, односно поранешниот НБА играч и музичар Шекил О’Нил.
Тој ја делеше сцената со раперот од Крагуевац Давид Љубеновиќ, попознат како Девито, а на социјалните мрежи се појави видео од нивниот настап.
И двајцата на настапот носеа дресови – на раперот Девито на грбот му пишуваше „Девито“, додека поранешниот кошаркар носеше дрес на кој пишуваше „О’Ниловиќ“.
View this post on Instagram
Легендарниот кошаркар веќе неколкупати нагласи колку му се допаѓаат луѓето од Балканот, а често летува на Јадранското Море.
