Српската пејачка Сара Јовановиќ, позната како Сара Јо, беше една од најблиските соработнички со групата „ДНК“ од регионалната сцена.
Сега таа се огласи на социјалните мрежи, каде ја искажа својата тага по трагедијата во ноќниот клуб „Пулс“ во Кочани, каде во разорен пожар загинаа 59 лица, а беа повредени 155. Меѓу загинатите имаше и членови на „ДНК“, вклучително и пејачот Андреј Ѓорѓиески, а раперот Владимир Блажев – Панчо е меѓу повредени и хоспитализиран во една скопска болница.
„Како да се носиме со олку голема тага. Со олкава тежина во градите? Со ваква празнина која не преплави со олкава сила? Како да се преболи неправдата? На кој начин да се разбере и прифати реалноста? Срцето ми е скршено на илјада парчиња“, напиша пејачката на својот инстаграм-профил.
Во своето следно стори, таа објави досега невидено видео со Панчо од нејзината приватна архива.
„А, ти, добар наш Панчо… Знам дека се бориш лавовски, само онака како што умееш. Сепак, ти си нашето ‘лошо момче’. Не постои момент во кој не сме помислиле на тебе. Со тебе сме со целото срце и душа“, напиша Сара Јо во описот.
