Пејачката Тејлор Свифт присуствуваше на финалниот натпревар на американската Национална фудбалска лига и го поддржа своето момче Тревис Келси, кој игра за тимот на Канзас Сити Чифс.
Сепак, нејзиното присуство предизвика негативни реакции од страна на публиката, која ја исвирка во моментот кога пејачката се појави на големиот екран. Присутните во стадионот почнаа да извикуваат „бууу“, а реакцијата на Свифт, која се обиде да ги изигнорира со насмевка, бргу почна да се шири на социјалните мрежи.
Taylor Swift BOO’D. People are sick of her. pic.twitter.com/LIZmdyVLwS
— JohnRocker (@itsJohnRocker) February 10, 2025
Американскиот претседател Доналд Трамп не остана рамнодушен и со објава на неговата платформа Трут сошл го искоментира тоа што пејачката беше исвиркана.
„Единствената што имаше потежок настап од Канзас Сити Чифс беше Тејлор Свифт. Ја исвиркаа од стадионот. ‘Повторно да ја направиме Америка величествена’ („Make America Great Again“) не простува!“, напиша Трамп, алудирајќи на движењето, кое тој го предводи.
Свифт доби поддршка од тениската легенда Серена Вилијамс, која на Икс напиша: „Тејлор Свифт, те обожавам. Не обрнувај внимание на исвиркувањата“.
I love you @taylorswift13 dont listen to those booo!!
— Serena Williams (@serenawilliams) February 9, 2025
