Македонската пејачка Елена Васова е овогодинешна добитничка на престижната награда „Милан Младеновиќ“. Признанието ѝ беше врачено на 21 септември во Макарска, во рамки на фестивалот „Модро и зелено“.
Васова, родена во Скопје во 2000 година, победи со песната „Љубов“, создадена во соработка со Ненад Стефановски и Ади Имери, а во проектот учествуваат и Петар Лукиќ, Мартин Џорлев и Милош Спасов.
„Фала ви многу. Јас навистина не го очекував ова… Ви благодарам што давате еден простор и платформа и не’ препознавате – ‘the underdogs’… Ви благодарам!“, изјави младата уметница.
Покрај паричната награда од 3.000 евра, таа доби и статуетка, како и можност за настапи на регионални фестивали.
