Луна Ѓогани, победничката на втората сезона од реалното шоу „Задруга“, не крие дека одвреме-навреме ги поправа оние нешта кои не ѝ се допаѓаат на нејзиниот физички изглед.
Со оглед на тоа што сè уште не е целосно задоволна од своето лице, таа решила да направи уште една корекција.
Сакајќи да ја подмлади својата кожа, 27-годишната инфлуенсерка се решила за медицинската процедура мезотерапија, со која се внесуваат мезококтели со активни состојки во длабинските делови на кожата.
Таа им го покажа целиот процес на својот инстаграм-профил, каде има нешто повеќе од 500 илјади следбеници.
Да потсетиме, Ѓогани и претходно отворено зборуваше за операциите на носот, градите и усните.
„Ставив малку хијалурон во усните. Тоа не е операција, тоа е само привремено“, изјави таа.
„Имав мала естетска интервенција, го средив носот. Она што го направив на мојот нос беше нешто што го планирав долго време. Сакав да се почестам со операција, не е ништо страшно, да не мислат луѓето дека сум го сменила личниот опис“, изјави таа во една прилика за српскиот медиум „Телеграф“.
