Здружението „Бадникови поворки“ со помош од Бигорскиот манастир и овие божиќни празници објави божиќен спот. Песната е во изведба на групата „Љубојна“, а видеозаписот за ново-возобновената божиќна песна (каланда) „Христос се раѓат, на светот радост“ е снимен во прекрасните предели на Галичник и во манастирските одаи на Бигорскиот манастир.
Оваа музичка творба потекнува од широките балкански простори од времето на Ромејското Царство, Византија и се пеела меѓу мијачкото население, заради што и сегашната верзија е отпеана токму на познатиот мијачки дијалект. Нејзиниот народен мелос, пак, е карактеристичен за нашите простори, како и за богатата традиција која сме ја сочувале како наследници на ромејската култура и духовност.
Слушнете како звучи.
