Медоу, 22-годишната ќерка на починатиот актер Пол Вокер на почетокот на месецов се омажи за партнерот Луис Торнтон-Алан, а сега на својот „Инстаграм“ профил објави фотографија од венчавката која разнежни многумина.
На фотографијата може да се види како Вин Дизел, кој беше најдобар пријател на нејзиниот татко, ја води до олтарот. На друга фотографија што ја сподели со следбениците, таа и нејзиниот младоженец позираат насмеани додека гостите им фрлаат ориз.
View this post on Instagram
„Конечно венчани“, напиша таа во описот.
View this post on Instagram
Медоу изјави за „Вог“ дека коронавирусот ја нарушил организацијата на венчавката.
„Семејството на Луис не можеше да дојде“, рече таа. „Многу блиски пријатели кои ги сметаме за семејство, исто така, не можеа да дојдат поради ограничувањата“.
Свадбената церемонија беше проследена со забава на плажа. „Сите бевме боси, танцувавме во песокот“, откри таа.
View this post on Instagram
Двојката се вери во август, кога Медоу го покажа свршеничкиот прстен на „Инстаграм“.
