Познатата колумнистка, писателка и новинарка Ведрана Рудан на својот Facebook профил сподели фотографија од болнички кревет.
„Сум во болница, хемотерапијата тече. Влегуваат медицински сестри и им даваат подароци на пациентките. Здружението Срце за њу ни испрати козинак. Ви благодарам – убаво е кога некој се сети на тебе“, напиша таа во описот.
Борба со сериозно заболување
Рудан веќе извесно време се соочува со тешка болест – агресивен рак на жолчните канали. Во неодамнешното гостување во емисијата „Недела во 2“, таа отворено зборуваше за својата состојба.
„Имам многу агресивен вид рак кој тешко се дијагностицира. Често одам на лекар и се прегледувам, па ова не се случува само на оние кои не се контролираат“, истакна таа.
Таа призна и дека размислувала за евтаназија како опција.
„Не сакав да умирам полека. Сакав еутаназија. Со маж ми со години одделувавме пари, бидејќи таа постапка чини околу 17.000 евра. Се информирав, им испратив документи, ме прифатија, дури и ја платив членарината. Но како одминуваше времето, бараа сè повеќе медицински документи, и сфатив дека ќе треба да останам таму некое време додека некој доктор одлучи дали има надеж. Ослабев и на крај се откажав“, објасни Ведрана.
На крајот, сподели трогателна порака: „Сакам да кажам дека има многу луѓе кои ме сакаат, и јас ги сакам нив. Јас сум бесмртна. Кога ќе заминам, замислете го тоа како да сум отишла некаде каде што нема сигнал“.
