Вдовицата на Дино Дворник го живее животот со полни гради, а според коментарите од нејзините социјални мрежи, никогаш не изгледала подобро. Неодамна, таа јавно проговори за својот покоен сопруг и откри непознати детали од врската, но и од нејзиниот живот по неговата смрт.
Данијела напиша текст за Дино, но и за нејзиниот живот со него, и го објави на својот инстаграм-проофил.
„Годините минуваат, вистинска среќа е да се доживеат. Станав свесна за тоа во моментот кога Дино почина. Ја разбрав таа добро позната, многу едноставна негова реченица што навистина многу живописно го опишува она за што ние смртниците не сме ни свесни додека сме живи, ако требаше да драматизирам за мојот роденден, кој тој уредно би го заборавил и подарокот што никогаш не го донесе тој ден – но Данчи, не ја разбирам твојата драма, секој ден ти е роденден.
Тоа не можеше да ме утеши тогаш. Денот пред мојот роденден беше тој несреќен Ден на вљубените, па секогаш мислев дека може да му биде потсетник дека мојот роденден е следниот ден. Но ништо! Денот на вљубените не му значеше ништо ни него. За него, тоа беше само уште еден глупав ден во годината во кој ќе драматизирам како грчка трагедија затоа што нема рози ни бомбони – па, те сакам секој ден, зошто да те сакам повеќе на овој ден? Се откажав од сè денот кога ми рече: ‘Купи си што сакаш и само покажи ми за да знам што сум ти купил!’. Понекогаш мојот живот беше како во стрип на Алан Форд. Тој и Таа, сплитски. Немаше предвидливи филмски сцени од американски филмови со романтични шепотења, туку сурова далматинска љубов, јас сум со тебе, затоа те сакам“, напиша таа.
