Обожавателите на култната серија веруваат дека Ѕверката ќе умре во новата седма сезона, а ѕвездата на серијата Сара Џесика Паркер реагираше за оваа теорија.
Нагаѓањата за смртта на ликот, кој го глуми Крис Нот, почнаа пред неколку години, откако Џејмс Ендру Милер, водителот на поткастот „Ориџинс“ , изјави дека Ѕверка треба да умре ако се снима трето продолжение на филмот „Сексот и градот“.
Откако Сара Џесика Паркер пред неколку дена го објави кусиот трејлер за седмата сезона, обожавателите почнаа да се распрашуваат за судбината на Ѕверка во новите епизоди.
„Ова е лудо. Ќе се вратат моите омилени девојки. Но, чекајте, што е со Ѕверка?“ – напиша еден следбеник, а Паркер итро му одговори: „Почекај и види“.
Што се однесува за тврдењето дека Ѕверка требало да биде убиен во третото продолжение на филмот, Нот ја негираше таа приказна, велејќи дека тоа е лага и дека неговиот лик не требало да умре.
Но, корисниците на Твитер и понатаму делат разни теории за серијата, која почнува да се снима напролет.
„Толку шпекулации! Дали Ѕверка е мртов? А Саманта?“, „Ако е Ѕверка мртов или тој и Кери се разведени, само ќе се правам дека серијата никогаш не постоела“ – пишуваат обожавателите.
