Популарната пејачка Теодора Џехверовиќ ја израдува јавноста со вест дека станала сопственичка на уште една некретнина.
Со емотивна објава на својот инстаграм-профил, таа откри дека повторно успеала да си го оствари сонот, овој пат со втор стан.
„И втор стан во животот е купен. Ти благодарам, Боже“, напиша пејачката, видно возбудена и со солзи во очите.
Џехверовиќ во 2021 година го купи својот прв стан во елитно белградско маало, за кој издвојуваше околу 250.000 евра. Станот има 100 квадрати, две спални соби, две бањи и пространа тераса. Тоа беше првиот поголем доказ за нејзината финансиска стабилност, стекната со години работа и вложувања во кариерата.
Близок извор до пејачката открива дека уште од стартот на кариерата целта на Теодора била да заработи доволно за сопствен дом. За тоа вложила големи средства во песни, албуми и спотови, верувајќи дека инвестицијата ќе ѝ се врати. Иако нејзините планови за нов стан беа одложени за време на пандемијата, сега конечно успеа да ја заокружи својата цел.
