Милош Петковиќ – Дафина бил еден од телохранителите на Жељко Ражнатовиќ – Аркан. Довербата на Аркан во него била толку голема што нему му го препуштил животот, а во една прилика за „Балкан Инфо“ откри досега непознати детали за Аркан и Легијата.
„Јас ја запознав кумата на Аркан кога работев како сликар. Завршив некои работи за неа на нејзината куќа, а патем Аркан ги финансираше тие дела. И еден ден кога дојде, ме погледна и ме праша дали сакам да му се придружам на неговата стража, се согласив“, Петковиќ ја започнува својата приказна, додавајќи дека Аркан на почетокот му изгледал како груб и тврдоглав човек“.
Гледајќи дека Дафина е човек од акција, Аркан по разговор му понудил да работи кај него.
Се вработил да го чува местото каде што спие командантот. Кој сакал да го види Аркан морал да помине низ неговите раце и детална процедура.
Правилата биле ригорозни и важеле за сите. Дури и познати криминалци го оставале оружјето на влезот.
„Еднаш Мира Шкориќ дојде така и таа одби да биде претресена. Го известивме Аркан и тој ни рече да ја пуштиме да помине низ долната врата Тогаш тој ја претресе и ѝ удри шамар“, се присетил Дафина.
