Во интервју за „Индивајр“, посветен на неговиот последен филмски серијал „Tulsa King“, славниот холивудски актер Силвестер Сталоне одговарајќи на прашање за идните планови, и дали би сакал повторно да глуми, пишува и да режира, вели дека нема намера повеќе да глуми.
– Јас би можел, но веќе не во глумата. Што се однесува до актерството, мислам дека ова веројатно е мојата лебедова песна – вели Сталоне.
Тој веќе 50 години е на сцената, најави дека се збогува со актерската кариера, и најверојатно во иднина ќе се бави само со продукција, режија и пишување сценарија.
