„Точно е дека нѐ мамеше, но тоа го правеше толку шармантно и духовито што никој не можеше да му се налути“.
На 75-годишна возраст почина Велибор Џаровски, попознат како „кралот на фудбалот“, а тажната вест ја потврди и семејството. Популарниот Џаро беше апсолутен крал на фудбалските местење, а и покрај тоа беше обожаван од сите што го познаваа. Долго време како менаџер соработувал и со најголемите имиња од естрадата, пренесуваат српските медиуми.
Неговата смрт погоди многу познати личности, а меѓу првите кои се огласија беа Жељко Самарџиќ на Инстаграм и Рибља Чорба на официјалната страница на Фејсбук.
– Ми беше задоволство да те познавам и да соработувам со тебе. Збогум, легендо на Балканот – рече Самарџиќ.
View this post on Instagram
Објавувајќи фотографија на Велибор, групата Рибља Чорба се прости од легендата.
– Го нема нашиот голем пријател, најимагинативниот измамник, единствениот Велибор Џаровски Џаро. Не мамеше, но тоа го правеше толку шармантно и духовито што никој не можеше да му се налути. Патувај драг Џаро и измами ги ѕвездите на небото – напишаа на социјалните мрежи.
Џаровски беше менаџер на најголемите поп ѕвезди од 80-тите. Ги претставуваше Здравко Чолиќ, Бјело Дугме, Мишо Ковач, Тереза Кесовија и многу други.
Иако своевремено беше менаџер на бројни великани на српската музичка сцена, тој истакна дека тоа не е негов најголем успех.
– За мене најголеми успеси не се Здравко Чолиќ, Мишо Ковач, Бијело Дугме, Тереза Кесовија, Бора Чорба, Оливер Мандиќ, Кемал Монтено, Мики Јевремовиќ, Индекси и Леб и сол, чиј менаџер бев јас, туку фудбалскиот клуб Слога Југомагнат во првата македонска лига. Освоивме три титули по ред, благодарение на мене – изјави еднаш Џаро.
