Тања Савиќ минува низ ужасна агонија. Нејзиниот сопруг и ги одведе децата во Австралија, а секој ден испливуваат детали за битката која ја води повеќе од седум месеци за старателството.
Савиќ сега откри неверојатни детали, со какви ужасни работи се служел нејзиниот сопруг Душан.
– Им рече на децата дека сум ги сокрила пасошите. Јас навистина ги сокрив, бидејќи тој тоа еднаш веќе го направи, ги одведе децата. Тогаш се разбира потрчав по нив, бидејќи не сакав да ги изгубам. Тој мислеше и овојпат ќе биде така. Реков, имам 35 години и еден живот, епа нема веќе така да правиш со мене. Многу е тешко да се спротивставиш, вели таа и додава:
– Им рекол: Мама ги зела вашите пасоши, таа сака вие да умрете од корона во Србија. Ете гледате каква е мајка ви. И тогаш децата буквално почнаа да ме удараат со тупаници. Двата мои сина викаа, врати ги пасошите, те мразиме. Не можев да им објаснувам, што да им кажам. Тие се мали, ќе видат кој е татко им, а која е мајка им. Сега тие и самите гледаат. Сакам да им кажам дека ги сакам и дека ќе се борам за нив, истакна Тања Савиќ.
