Поминаа речиси шест месеци од смртта на Саша Поповиќ, но неговата вдовица, пејачката Сузана Јовановиќ, сè уште тешко го прифаќа големиот загубен момент во својот живот. Во овие тешки денови, утехата ја наоѓа во најблиските, а најмногу ја крепи мислата дека еден ден ќе стане баба.
Нивниот долгогодишен пријател и хармоникаш, Микица Гачиќ, кој остана блиску до семејството Поповиќ, откри детали од последниот разговор со Сузана.
– Божје здравје, тоа и Суле сега го чекаат, тоа ќе биде најголемата радост во нејзиниот живот. Во внук или внука би нашла утеха. Баш и денес зборувавме за тоа. Седнавме откако заврши со некои свои обврски и ми рече: „Божје здравје само тоа да биде, и тогаш ќе се наполни куќата“ – открива Гачиќ.
Микица потсети и на блискоста на Саша со Даниел, синот на Сузана.
– Даниел со нас одеше на аудиции последните десет години. И оваа сезона беше со нас, иако му беше многу тешко поради заминување на саша. Сале го сакаше како свое дете и никогаш не го делеше од Александра. Даниел е навистина професионалец – вреден, трудољубив и фин момак – вели Гачиќ.
Јовановиќ се огласи и по повод заминувањето на колешката Вики Миљковиќ од „Ѕвездите на Гранд“.
– Мене прва ме повика да ми каже дека ќе си замине. Знам колку ѝ е тешко што Сале веќе не е меѓу нас, затоа што „Ѕвездите на Гранд“ беа Саша Поповиќ. Логично е без него да се чувствува празнина. Освен тоа, неодамна го изгуби и родениот брат, па целосно ја разбирам. Секој мора да продолжи по свој пат и да носи одлуки зад кои може да застане. Ја поддржувам и ѝ посакувам сè најдобро, затоа што сме и приватно големи пријатели – истакна Сузана.
