Фолкерот Дарко Лазиќ, заедно со сопругата Катарина и ќерката Срна, живее во семејна куќа во Брестач, а Катарина ги прими медиумите во нивниот дом.
Каќа често споделува совети на социјалните мрежи за исхрана и тренинзи, а успеала и Дарко да го убеди да ги промени навиките и да се храни поздраво. Таа му подготвила омилен здрав ручек и ги открила тајните на својот изглед, истакнувајќи дека овој оброк може да го јаде секој што сака да ослабне.
„Денес ќе подготвам пилешко со тиквички, праз и бадеми. Често јадам пилешко, како и секој што се храни со протеинска храна. Дарко е голем гурман, се труди да јаде здраво, но сака силна и масна храна. Мислам дека успеав да го мотивирам, и тој сака да се храни здраво и да изгледа убаво“, изјави Катарина додека заедно готвевме и разговаравме.
Фолкерот веќе седум месеци е на терапија за одвикнување од пороци, и резултатите се веќе видливи. Пејачот редовно примал блокатори кои му помогнале да го регенерира организмот и целосно да ги исклучи сите пороци од својот живот.
„Сите мислеа дека сум професионален тренер, но не сум. Јас сум само личност која внимава на исхраната и изгледот. Со време жените почнаа да ми бараат совети и така започна сè. Во бременоста се здебелив само шест килограми и за тоа зборував јавно затоа што сметам дека е нормално. Секој пат кога ми се јадеше нешто глупаво, не го јадев. Кога дознав дека сум бремена, многу ми се јадеше шампита, која е чист шеќер. Инаку не јадам благо, но тогаш ја изедов целата и ми се слоши. Со тоа заврши мојата „слатка фаза“ во бременоста. Сите ме прашуваат како да го симнат стомакот или да ослабнат… Тоа мора да биде начин на живот, со години треба да се работи на тоа“, објасни Каќа, која смета дека најголем проблем е што луѓето мислат дека здравата храна е не вкусна.
