Пејачот Слободан Слоба Радановиќ летово го поминува на црногорското приморје, каде што редовно настапува по клубовите, а воедно наоѓа време и за одмор со своето семејство.
Во разговор за медиумите, Радановиќ зборуваше за сезоната на настапи, за личниот живот, за тешкиот период по излегувањето од реалното шоу „Задруга“, но и за новата куќа која ја гради во Белград.
„Одморот најчесто го поминуваме во кругот на семејството. Многу е долг период да бидеме разделени, па не сакав тие да останат таму, а јас да бидам овде. Најважно е да сме заедно“, изјави Слоба со насмевка.
Како што вели, годинешната сезона на приморјето е послаба во однос на претходните години: „Не е повеќе како што беше порано. Има и полни локали, но луѓето немаат пари. Младите излегуваат само за да излезат, а сè е многу скапо. Се чувствува дека годинава е послаба, но се надеваме на подобро“.
Слоба се присети на периодот поминат во „Задруга“, кога, како што вели, доживеал сериозен психички притисок.
„Тешко беше и за оние што немаа никаква приказна, а беа затворени 10 месеци, а не пак за некој што прими толку осуди на своја сметка. Влегов како клинец, без големо искуство со јавниот живот. Кога излегов, две недели живеев кај пријател и речиси не излегував од станот. Дури и да требаше да преминам улица за да купам картичка за телефон, не можев. Имав анксиозност, или како и да се нарече тоа. Најмногу ми помогна работата – веднаш почнав со настапи“, открива тој.
Иако признава дека можеби и денес носи дел од тие трауми, вели дека ги пребродил благодарение на поддршката од пријателите и семејството: „Додека бев внатре мислев дека целиот свет е против мене, но кога излегов сфатив дека не е така. Знам дека сум постапувал исправно и никогаш не сум сакал никого да навредувам. Пуштив времето да покаже сè“.
Радановиќ вели дека за својата поранешна девојка, Луна Ѓогани, смета дека е подобар човек од Кија Коцкар, но не би ѝ се јавил доколку се сретнат.
„Тоа е едноставно мое мислење. Немаме контакт и мислам дека нема потреба да се јавуваме, затоа што секој потег би бил погрешно сфатен. И навистина ѝ посакувам среќа и на неа и на нејзиното семејство“, додаде пејачот.
