Популарната пејачка преку својот Инстаграм профил им откри на следбениците дека добила Мениерова болест, поради што морала вечерта пред Божиќ да замине во болница.
Таа била хоспитализирана откако почувствувала непријатни проблеми при обид да запее, а потоа имала проблем и со рамнотежата.
Причината за болеста не е позната, а се манифестира со напади на вртоглавица која може да трае до неколку часови, зуење во ушите, дури и губење на слухот.
Пациентите воглавно се жалат на исцрпувачки мачнини , повраќање, малаксаност како и губење на слухот, кое со тек на време станува сè поголемо и е пропратено со иритирачко зуење во заболеното уво.
„Се разбудив и имав чувство дека сум целосно глува на десното уво. Не можев да се движам праволиниски. Подоцна ми кажаа од што боледувам. Знам дека многу луѓе се мачат со оваа болест, многумина и ме посоветуваа што да правам. Но, секако целото време го минувам лежејќи во тишина. Кога прв пат запеав, откако ми ја поставија дијагнозата, подобро да не пеев. Многу ми недостига пеењето, како и дружбата со луѓето, но не сум способна за ништо. Ова ме дотепа. Кога ќе запеам, ми се чини дека увото ќе ми експлодира. Телевизија гледам со прстот во уво, никако поинаку“ – објасни Џеси во каква состојба е и додаде дека сепак не губи надеж.
