Томислав Лукач, 30-годишен свештеник од Каштела, ја искоментира хрватската пејачка Северина Вучковиќ на ТикТок поради нејзините ставови за абортусот.
Имено, пејачката се приклучи на иницијативата „Мој глас, мој избор“, која се залага секој жител на Европската унија да има право на достапен и безбеден абортус.
Свештеникот, кој коментира на различни теми на ТикТок, сними видео во кое вели дека абортусот „не само што е големо зло, туку и многу штетен за жените кои ќе одлучат да го направат“. Во истото видео тој го искористи и сведочењето на непозната жена која зборуваше за нејзиниот абортус.
@dontomolukac Većina žena koje su mi na ispovijedi ispovjedile grijeh pobačaja mi je reklo kako si ne mogu oprostiti što su to učinile!🙏🏽 #fyp #foryou #foryoupage #fypシ゚viral #priest #hodzazivot ♬ original sound – dontomislavlukac
Северина потоа ја сподели приказната на Инстаграм на непознато лице кое објави видео од свештеникот со коментар: „Скандалозната жена, која штотуку се опорави од јахтата, е повторно тука“. Бидејќи таа приказна ја нема на инстаграм-профилот на свештеникот, не е сигурно дали е негова.
Но, Северина директно му одговори на свештеникот, што укажува дека тој би можел да биде автор на приказната.
„Драги, твојот статус звучи како мојата глава да ми ја пресекле со мотор од ЈАХТА, па повторно да ми ја сошиле на најдобрата клиника. Јас само имав добар секс, а истото ти го посакувам и на тебе. Можеш и со личност од спротивниот пол. Како знаеш дека е добро ако не си пробал?“
