Публиката и обожавателите се загрижени бидејќи Селин Дион исчезна од јавноста. Од октомври 2021 година, никој не слушнал ништо за неа. Странските медиуми во неколку наврати се обиделе да добијат информации, но безуспешно.
Од уметничката што некогаш беше многу достапната, останаа само неколку објави на Инстаграм, а на повеќето од нив е потпишан нејзиниот тим.
Во јавноста се шпекулира дека е сериозно болна и дека се уште не закрепнала. Никому не му е јасно за каква болест се работи, но сите го прифатија тоа образложение, со оглед на тоа што пејачката минатата година драстично ја намали тежината.
Таа се трудеше да ги оправда слабеењето и лошата физичка состојба со изговор дека му се вратила на балетот и дека многу работи. Од октомври, кога ги откажа настапите, Селин Дион објавува само извадоци од нејзините стари видео спотови.
Фановите во пораките пишуваат: „Би сакале да имаме некои новости за Селин…“
View this post on Instagram
Нејзиното последно обраќање до публиката беше кон крајот на 2021 година, кога рече:
„Навистина се надевав дека ќе можам да го одржам настапот, но претпоставувам дека само треба да бидам трпелива и да го следам режимот што ми го препишаа лекарите.
Ќе ми биде мило да се вратам целосно здрава, едвај чекам да застанам на сцената“.
Денес Селин Дион го слави својот 54 роденден и по тој повод ве потсетуваме на некои интересни детали од нејзиниот живот:
1. Селин е помлада од синот на нејзиниот покоен сопруг.
Најстариот син на Рене Анџели, Патрик Анџели, е роден три месеци пред славната маќеа.
2. Универзитетот Лавал и додели почесен докторат по музика во 2009 година.
3. Првиот договор за снимање го потпишала на 12 години.
4. Таа е најмладата од 14-те браќа и сестри.
5. Во 1994 година нејзината венчавка со Рене се емитуваше во живо.
6. Имала само 16 години кога настапила пред папата.
7. Во 1990 година основаше синџир ресторани кој и денес успешно работи.
8. Во 2000 година таа и Рене ги обновија заветите во Лас Вегас.
9. Течно зборува 5 јазици: англиски, шпански, германски, француски и јапонски.
