Пејачката Радмила Рада Манојловиќ важи за изведувач што пее таму каде што ја сака публиката – без разлика дали тоа е голема концертна сала, клуб, ресторан, плоштад или, како неодамна, под шатор.
Нејзиниот настап предизвика бројни коментари на социјалните мрежи, а Манојловиќ вели дека токму во тоа е нејзината предност, што може да пее на секое место каде што има публика.
„Сметам дека е моја големина, но и предност, тоа што и денес не се двоумам да настапувам под шатор, иако не знам зошто тоа стана табу тема. Порано шаторите беа мерило за квалитет, познавање на песните и репертоарот, и таму настапуваа најголемите ѕвезди. Јас пеам таму каде што се луѓето – ако некогаш бидат на Месечината, ќе пеам и таму! Благодарение на моите хитови, можам да настапувам и на вашар и во Арена, и тоа е огромна предност“, изјави пејачката за „Нова“.
Оваа година, за првпат прифатила да настапи таму, и тоа, како што вели, по сопствена желба.
„Ми беше предизвик да дојдам до една поинаква публика и да бидам во поблизок контакт со нив, не само од висока бина. По емисијата ‘Никогаш не е доцна’ и моите народни сплетови со милионски прегледи, добив повеќе покани за веселби и вашари. Како конечно луѓето да сфатија дека сум вистинска пејачка со сериозно познавање на песните и широк репертоар. Со овој настап ја отстранив секоја сомнеж. Не пеам само во Србија, туку и во Бугарија, Македонија, Црна Гора… Кога имаш такво знаење – нема зима, работа ќе има секогаш“, вели таа.
