Пејачката и композиторот наводно дефинитивно ставиле точка на врската која траеше два месеца.
Инди Арадиновиќ и Зоран Марјановиќ беа кратко време заедно, а бидејќи не се одделуваа еден од друг, започнаа заеднички живот. Српските медиуми пишуваат дека нивната кратка романса дефинитивно завршила по една бурна расправија, а пејачката се вратила во својот стан. Таа одлучила да остане во добри односи со Зоран поради деловната соработка, бидејќи почнаа да работат на албумот, кој полека се ближи кон крајот.
Главната причина за раскинувањето биле бурните и честите расправии, а Зоран сè почесто покажувал љубомора, што многу ѝ пречело на Инди.
– Тие одлично функционираа и таа врска не им требаше, бидејќи беа одлични како деловни партнери. Мислам дека малку се занесоа и се изгубија. Почнаа да се караат, секој ден имаа некаква кавга. Зоран беше малку љубоморен и му пречеше што Инди постојано добиваше пораки на Инстаграм, така што и околу тоа имаше расправии. Тој неодамна ѝ кажал дека ќе купи свршенички прстен и таа го очекувала тоа, но потоа тој почнал да се прави наудрен и Инди сфатила дека изгледа се исплашил и се предомислил. Седнале еден ден по кавгата и се договориле да раскинат – изјавил за „Стар“ извор близок на пејачката.
За раскинувањето на Арадиновиќ и Марјановиќ се шушкаше и неодамна, а пејачката тогаш огласи и потврди дека се скарале, но дека се смириле по неколку дена.
– Вистина е, не бевме заедно три-четири дена, но во меѓувреме се смиривме. Се расправавме за песната, за аранжманот. Сега сме заедно, еве се разбудивме, пиевме кафе и тргнуваме накај студиото за да ја преземеме последната песна. Се надевам дека повеќе нема да се караме околу песните – раскажала тогаш Инди за српски „Телеграф“.
Времето ќе покаже дали овојпат ќе се смират или дефинитивно е крајот.
