Кога актерот на црвениот тепих го прашаа дали поранешната сопруга ќе му прави друштво на доделувањето на Оскари, тој се насмеа и зацрвени…
Бред Пит и Џенифер Анистон повторно се во љубовна врска, пишува „Mirror“, а нивните пријатели откриле дека поранешните сопружници се обидуваат да ја вратат љубовта, страста и довербата која ја имале додека биле во брак.
Бред и Џенифер најмалку пет пати биле на љубовен состанок пред историската средба на црвениот тепих, тврдат нивните пријатели. Тие двајца наводно и празниците ги поминале заедно во вилата на Џенифер.
– Мислам дека таа никогаш не ни престана да го сака, иако и го скрши срцето кога замина со Анџелина Џоли. И требаше многу време, но се му прости. Тоа е главниот чекор доколку сакате да продолжите понатака, изјавил пријателот на Џенифер.
– Единственото нешто за што зборува е Џенифер. Ја обновија својата романса и не сум ги видел волку среќни веќе неколку години – изјавил колегата на Бред.
Кога Бред Пит на црвениот тепих го прашаа дали можеби Џенифер ќе му прави друштво на доделувањето на Оскарите, тој се насмеа и зацрвене, па кажа дека ќе нема придружба. Кога новинарите ја прашаа актерката за врската со Бред, таа имаше веќе подготвен одговор.
– Ова е пресмешно. За што се луѓето зборуваат, низ насмевка кажала Џен.
