Спасен Силјановски, омиелн кај народот е еден од нашите најпопуларни фолк-пејачи. тој важи за човек без влакно на јазикот, кој на социјалните мрежи секогаш храбро го кажува своето мислење, особено кога станува збор за домашната естрада.
Инаку, македонската народна музика е многу ценета во државите на поранешна Југославија, па не е чудно што песната „Ќе ти дојдам“ од Спасен е голем хит меѓу балканските корисници на ТикТок. Спасен по ова изјави дека колегите од естрадата му честитале на успехот.
Овојпат, тој се налути на организаторите на една локална манифестација каде што како главни ѕвезди меѓудругото ќе настапуваат Харис Џиновиќ и Марија Шерифовиќ.
-РОШТИЛИДАЈА – ЛЕСКОВАЦ или ГРОЗДОБЕР-КАВАДАРЦИ?! Во која држава се наоѓа Кавадарци???
Во која држава е градоначалник Јанчев? Во која држава зрее Грозјето? Во која држава ќе се одлеат стотици иљади евра за музичките изведувачи од овој настан ???
……И повторно не сакам да бидам разбран дека се борам за себе. Неее, никогаш. Се борам за нашата култура и традиција. Па замислете бе луѓе каков е тој Гроздобер без ниту една Тиквешка песна. Гроздобер без ниту еден Македонски фолк изведувач.
Гроздобер без кралевите на Тиквешката музика како Анѓел Џамбазот и останати….. Мислев дека нема подолу од дното ама еве имало…И некогаш се прашувам сам себе, па штом само јас се бунам изгледа не сум во право, можеби така треба, сите молчат па ваљда не сум јас најпаметен.
Простете ако грешам. П.с. Единствено сум среќен што знам дека оние прави Македонци од Кавадарци ќе се соберат “Кај Буки” и ќе уживаат во песната на Џамбазот и Дулот“, напиша Спасен.
