Екипата на српскиот портал Република пред неколку дена го „фати“ Саша Поповиќ пред куќата на Бежанијска коса каде се опоравува. Инаку познат по енергичниот настап и харизмата, на ексклузивните фотографии ја немаше препознатливата насмевка. Косата ја сокри под капа, а забележливо е дека гардеробата му е многу поширока, што укажува дека многу ослабел.
Како што сега дозна српска Република, Саша Поповиќ пред неколку дена ги вратил колегите кои дошле да го изненадат пред неговата куќа на Бежанијска коса, а сето тоа затоа што според советите на лекарот му било предложено да не излегува премногу меѓу луѓе за да не „закачи“ некој вирус или да не настине.
„Саша го побараа колегите кои со автомобил дојдоа пред куќата, пред дворот. Сакаа да го изненадат, но им рече дека надвор од дворот не оди. Тие тоа не го знаеја, но договорот на Саша со лекарите бил да не оди меѓу луѓе и што повеќе да биде дома, додека не бидат сигурни дека имунитетот му е доволно силен, да може после сите терапии нормално да се движи“ – раскажува изворот и додава:
„Саша на крај излезе во двор, им се јави на колегите и им мавна, па им рече дека сите ќе се видат наскоро кога ќе се консултира со лекарите и кога се ќе биде како што треба“.
Инаку, фотографиите на Саша Поповиќ пред неговата куќа неодамна го привлекоа вниманието на јавноста бидејќи на нив јасно се гледаше дека тој ослабел поради болест. Овој познат музички продуцент, кој со децении е присутен на регионалната сцена, изгледаше многу послабо отколку што луѓето се навикнати да го гледаат.
