Јосип Пејаковиќ, еден од најпознатите босански актери, почина во Сараево. Веста за неговата смрт ја пренесе Јавната федерална телевизија. Роден е во Травник во 1948 година, каде што посетувал основно и средно образование.
Извел повеќе од 50 премиерни улоги во Сараевскиот народен театар, филмови и десетина монодрами.
Тој е автор и на неколку монодрами и филмски сценарија, од кои најважни се: „Ој живототе“, „Он мени нема Босне“, „Људски фактор“, „Куча поред пута“.
Од 2001 до 2003 година, беше директор на Драмскиот оддел на Народниот театар Сараево.
Во мај 2022 година, ја објави книгата „Севдалинка“.
Добитник е на наградата „6-ти април“ на градот Сараево, наградата за животно дело и наградата на Здружението на драмски уметници на Босна и Херцеговина.
