Хит Фримен, добро познат по улогата на негативецот Хауард Епс во хит-серијата на „Fox“, „Bones“, трагично почина на 41-годишна возраст.
41-годишниот актер, исто така, имаше ангажмани во „NCIS“, „ER“, а и во претстојниот филм, „Devil’s Fruit“.
View this post on Instagram
Неговиот менаџер, Џо С. Монтифиоре, ја потврди неговата смрт со изјава за медиумите.
„Навистина сме уништени од загубата на нашиот сакан Хит Фримен. Брилијантно човечко суштество со интензивен и душевен дух, ни остава неизбришлив отпечаток во нашите срца. Неговиот живот беше исполнет со длабока лојалност, наклонетост и дарежливост кон неговото семејство и пријателите, како и со извонреден жар за живот“.
View this post on Instagram
„Тој беше исклучително горд на неговата неодамнешна филмска работа и беше многу возбуден за следното поглавје од неговата кариера“, продолжи изјавата. „Неговото извонредно наследство како син, брат, вујко, пријател, извонредно надарен актер и продуцент, совршен готвач и човек со најзаразна и најспектакуларна смеа, ќе живее засекогаш. Нека неговиот спомен е благослов за сите што го познаваа и го сакаа“
Фримен треба да се појави во „Terror on the Prairie“, филм кој неодамна го заврши и ќе ја има својата премиера следната година, и „Devil’s Fruit“, кој е во постпродукција.
