Бони Поинтер, една од четирите сестри од американската група „Поинтер систерс“, која врвот на славата го достигна во 70-те години на минатиот век, почина на возраст од 69 години.
Сестрите Поинтер се најпознати по хитовите „I’m So Excited“ и „Jump (For My Love)“. Освоиле три Греми награди, од кои една за песната „Fairytale“ од 1975 година, која ја напишале Бони и Ана, а подоцна ја снимил и Елвис Присли.
Бони групата ја напуштила во 1977 година за да ја продолжи соло кариерата, која ја обележил успехот на хитот од 1978 година, „Heaven Must Have Sent You“.
На почетокот групата ја сочинувале Џун и Бони и како дуо настапувале по клубовите во Сан Франциско, а подоцна им се придружиле и останатите две сестри.
