Пејачката Шејла Зониќ, победничка на музичкото шоу „Ѕвезди на Гранд“, доживеала сообраќајна несреќа во Тузла.
Нејзиниот автомобил е видно оштетен, но таа се огласила на социјалната мрежа Фејсбук и потврдила дека сите учесници во несреќата се во добра здравствена состојба.
„Токму што имав сообраќајна несреќа“, напиша Шејла, па додаде:
„Сите сме добро, фала му на Бога! Да ја освестиме вистината дека сообраќајни несреќи се случуваат и кога внимаваме, а особено кога не внимаваме! Среќен пат на сите што возат.“
Кариерата ја започна во „Ѕвезди на Гранд“
Шејла стана позната преку учеството во популарното шоу, а како што вели, нејзиниот сопруг бил најголемата поддршка во тој чекор.
– Секогаш имав страв од неуспех, од јавноста. Тогаш ми рече мојот Армин: „Гранд е гигант кога станува збор за маркетинг.“ Јас си велев, добро, ама што ќе кажат моите колеги и професори од факултет? А потоа се запрашав – што сакам јас? Се чувствував недораснато. Кога беше аудицијата во Босна, го прашав: „Сакаш ли да одиш со мене?“ Од тогаш сè започна. „Ѕвезди на Гранд“ ми ги отвори очите – раскажа таа.
– Сега неодамна пеев на една свадба, каде што добив огромен бакшиш, кој на крајот го вратив. Не е сè како што изгледа. Многу луѓе ми рекоа: „Толку ли догура, од концертни сали до свадби?“ А јас велам – само почнав да заработувам онолку колку што ми треба за да напредувам во музиката. Не сакам да пеам по сали, а дома да јадам кечап и ориз – искрено додаде Шејла.
