Глумецот Маринко Маџгаљ, омилен лик на публиката во целиот регион, почина во март 2016 година по долга и тешка борба со рак на панкреасот. Но зад него не останаа само улоги и песни – туку и една голема љубов.
Неговата партнерка, црногорската ТВ-водителка Лана Секулиќ, беше со него во најтешките моменти и му беше најголема поддршка до последниот ден од неговиот живот.
Маринко и Лана започнале врска недолго по неговиот развод. Нивната љубов траела неколку години, полни со блискост и заемна поддршка, сѐ до моментот кога суровата болест го однесе глумецот.
Колегите на водителката уште тогаш открија дека таа тешко ја поднесувала загубата.
„Не доаѓа на работа откако се случи сето ова со Маринко. Неутешна е. Многу страда за него“, изјавил нејзин колега за медиумите.
По неговата смрт, Лана целосно се повлече од јавноста. Престана да се појавува на малите екрани и ретко се огласуваше, иако продолжи да работи зад камерите како уредник.
Маринко бил дијагностициран со рак на панкреасот во 2015 година. Болеста долго ја крел од најблиските, надевајќи се дека ќе ја победи. По операцијата му било соопштено дека му остануваат само неколку месеци.
Но до самиот крај работел и се борел – снимал серија во Црна Гора, бил на терапии и секој слободен момент го поминувал со семејството и Лана.
Неговата последна голема желба била да се крсти под Острог – и таа желба му се исполнила само 20 дена пред смртта. Иако во тешка состојба, го издржал светиот чин со неверојатна сила.
По неговата смрт, Лана остана далеку од светлата на сцената, носејќи ја тагата приватно. За многумина, токму таа останува жената која го љубеше Маринко искрено, тивко и до последниот здив.
Една љубовна приказна што го допира регионот и денес – приказна за посветеност, болка и спомен што не бледнее.
