Хрватската водителка Николина Пишек со една реченица предизвика вистинска лавина реакции на социјалните мрежи, откривајќи дека пред 15 години завршила во затвор на Карибите.
Повод за нејзиното признание беа фотографиите што ги објави пејачката Нина Бадриќ, која моментално престојува на Карибите и со фановите споделува моменти од својот одмор.
Под објавата, Николина се јави со неочекуван коментар:
„Јас бев таму пред 15 години и завршив во притвор на Сент Мартин затоа што немав виза. Многу убав затвор“, напиша таа, оставајќи ги следбениците во неверување.
Нина веднаш ѝ возврати со доза хумор:
„Кажи ми дека и затворот таму е прекрасен. П.С. Мораш повторно да одиш, за да создадеш поубави спомени од Карибите“, ѝ порача пејачката.
Инаку, Николина неодамна јавно проговори и за еден од најтешките периоди во својот живот, по ненадејната смрт на сопругот Видоје Ристовиќ.
„Сакав долг брак, среќно семејство и љубов до крајот на животот. Заљубена сум во самата љубов“, изјави таа, додавајќи дека по неговата смрт се нашла на животна раскрсница.
„Воопшто не сум таму каде што мислев дека ќе бидам на овие години. Животот ме демантираше на сите полиња и пред неколку години сè се преврте наопаку“, искрено призна водителката.
