Во пресрет на големиот јубилеен концерт по повод 40 години кариера, што ќе се одржи на 8 јуни на Шалата, Алка Вуица откри дека Горан Бреговиќ ѝ посветувал стихови – и таа нему.
Популарната кантауторка беше гостинка во емисијата „Далибор Петко Шоу“, каде што го најави спектаклот со 14 врвни музичари. На сцената ќе настапат некои од најголемите ѕвезди на хрватската музичка сцена, кои ќе изведат хитови што ги напишала токму Алка.
Пејачката Северина изјави: „Алка ги помина сите скалила. Почна како новинарка, пишуваше за други, а потоа се откри и како кантавторка. Таа е една од оние жени што треба да се чуваат на пиедесталот кој го заслужуваат“.
Алка ѝ возврати дека ѝ се восхитува, бидејќи Северина имала храброст да ги оствари сите соништа што таа само ги замислувала.
Алка и Бреговиќ се запознале средината на 1980-тите, кога таа дошла во Сараево да направи интервју со него.
„Дојдов кај Бреговиќ, а со него во кујна беа двајца пријатели. Бидејќи мијалникот беше полн, почнав да мијам садови, на што тој рече: ‘Ти не си новинарка, ти си дошла да се мажиш’“.
„Бев фасцинирана од него како уметник. Ме научи многу за пишувањето, ми даде совети како да излезам од метафорите. Врската ни беше бурна, се каравме, се миревме… Но, Бреговиќ никогаш не излезе од мојата душа и срце. Тој и неговото семејство се дел од моето големо семејство“, вели Алка.
Во јавноста долго се зборуваше дека Бреговиќ ѝ ја посветил песната „Стидни ваши“ по нивната разделба, но Алка тоа категорично го негира.
„Апсолутно не е точно. Не знам од каде дојде таа приказна. Знам дека тоа го направил на шега, а не за да посвети песна некому. Во крајна линија, јас никогаш не сум имала вошки“, изјави таа со насмевка.
