Мирјана Антоновиќ, која со години водеше судска битка со пејачот Мирослав Илиќ за татковството над синот Девин, го доби случајот на апелацискиот суд.
Но, според пишувањата на „Блиц“, пејачот повторно ги тужел.
Како што е познато, Антоновиќ била во врска со пејачот во периодот кога тој бил во брак, а неговата сопруга, според нејзините тврдења, дознала за аферата уште пред да се роди Девин.
Илиќ одбивал да го признае татковството, а кога го загубил случајот на апелацискиот суд, поднел жалба.
„Го добивме случајот на апелација, а потоа тој повторно нè тужеше. Повторно се враќаме на суд, но сè изгледа дека ќе биде во наша корист, наскоро ќе дознаеме“, изјави Антоновиќ.
На прашањето дали ќе бара пејачот да ги плати сите алиментации што никогаш не ги исплатил, таа одговори: „Ќе видиме. Не сакам да зборувам предвреме, додека не заврши сè.“
Таа откри и дека Илиќ сака да ја види својата внука и дека го сака синот Девин, но дека не се осмелува да реагира.
„Тој сака да ја види својата внука, го сака Девин, но е Кукавица. Уценет човек кој не смее да реагира. Неговите најблиски го уценуваат. Го познавам многу добро. Знам како се однесуваше кон Девин додека беше со него кога беше мал. Тоа не може да се излаже или да се заборави. Сакашe, имаше добра волја да биде со него тогаш. Но, нешто се случи. А што можеше да се случи? Некој му се заканил и сè запре“, раскажа таа.
Антоновиќ додаде дека се надева дека еден ден ќе ги закопаат „воените секири“.
„И двајцата се тврдоглави, а сега кога се скараа, некој од нив треба да попушти. Се надевам дека ќе се реши и ќе се смири ситуацијата. И Мирослав и Девин би се чувствувале подобро“, рече таа.
Таа смета дека токму сопругата на Илиќ е причината зошто пејачот не е во контакт со својот син и дека неговото однесување во јавноста е сосема поинакво од приватното.
„Сопругата знаеше сè пред да се роди детето. А сега глуми, дава изјави дека им сочувствува на децата што немаат татковци… Па, ти си таа што направи Девин да нема татко покрај себе“, истакна Антоновиќ.
