Познатиот пејач Миле Китиќ за српскиот медиум Пинк проговори за големите планови што ги има за наредната година, а по тој повод откри дека подготвува серија концерти ширум Балканот, кои воедно ќе бидат и проштални концерти по повод 50 години од неговата богата музичка кариера.
„Сè уште сакам да работам, одамна мислев да престанам да пеам, пред пет, десет години. Луѓето сè уште ме бараат, важно е да сум здрав и да немам проблеми со пеењето и луѓето да ме сакаат и бараат. Во времето на корона јас одмарав, ние над 65 не смеевме да излеземе, па седев дома и пиев ракија. За 50 години, ако не сум заработил доволно за да го поминам остатокот од животот како што треба, тогаш не сум успешен, но сепак сакам да работам“, вели Китиќ и открива дека има големи планови за кариера за 2025 година.
„Ѝ должам на мојата публика и имам намера да направам серија концерти во следната година – Белград, Сараево, Загреб, Ниш, Софија… Тоа е мојот план за 2025 година, да одржам концерти, а ако ме бараат во клубовите, ќе видиме дали ќе бидам добро расположен. Ќе направам проштален концерт по повод 50 години“, откри тој.
