Српскиот пејач Милан Станковиќ, кој во последните години е посветен на верата и духовниот живот, му испрати јавна поддршка на светската ѕвезда Џастин Бибер, кој повторно ја отвори душата на социјалните мрежи.
Со симболичен аплауз во коментар, Станковиќ се приклучи на гласовите што го охрабруваат Бибер во неговата борба со менталното здравје.
Бибер, иако среќно оженет со манекенката Хејли и неодамна остварен како татко, јавно призна дека и понатаму се соочува со последици од прераната слава и внатрешни турбуленции. Во својата последна објава, тој искрено зборуваше за внатрешниот немир, чувството на скршеност и желбата да најде мир преку верата.
„Знам дека сум скршен, знам дека имам проблеми со агресија. Исус е единствениот што ме инспирира да го живеам животот за другите“, напиша Бибер, алудирајќи дека е уморен од борбата и од постојаното очекување да биде „нормален“ во очите на светот.
